प्रयास

जस्ले कहिल्यै दुःख र आँशु देखाएनन् पीडाको अघि कहिल्यै गोडा टेकाएनन् जस्ले कहिल्यै व्ययभारलाई भार मानेनन् कहिल्यै जिन्दगीका काँडेतारलाई बार ठानेनन् मलाई उनको त्यो शालिनता सिक्नुछ मलाई त्यो असहजताबीचको सहजता बुझ्नु छ मलाई बिना आँशु पीडा लुकाउने कला सिक्नु छ मेरो "बा"को जस्तै बाँच्न सिकाउने कला सिक्नु छ।

उबेला तिम्ले कर्के नजरले हेरेको मलाई, हिजो जस्तै लाग्छ ती नजर फेरि देखें आज, तिनमा क्या बात छ अझै पनि झिमिक्क झिमक्याएको नसालु नजरको, क्या मात छ अझै पनि। हिजो सँगै हुँदा झुक्किएर तिम्रो मेरो हात अचानक छोइदा, त्यो स्पर्शको झटकाले यो ज्यान सिरिंग भएको, याद छ अझै पनि त्यो स्पर्सले लागेको करेण्टको त्यो झटकाको, मात छ अझै पनि। तिम्ले नजर मलाई दिएर मन अरु कसैलाई दिँदा, यी नजरका नानीको पानीले सिरानी भिजाएको त्यो रात, याद छ अझै पनि त्यै आँसुले सबेरै सम्म दुखाएको सिरको, त्यो मात छ अझै पनि।