मेरी आमा

चुलो-चौका, मेलापात सबै भोगेकी उनी
बुहारी नी छोरी भन्ने सोच बोकेकी उनी
हिजोको अशिक्षित समाजकी भान्छे उनी
आजको शिक्षित वर्ग भोगेकी मान्छे उनी
उनी, उनै मेरी आमा।

पहिले कुरीति र कुसंस्कारको जालो देखेकी उनी
आफ्ना सन्तानको उज्ज्वल भबिष्य लेखेकी उनी
हिजोको त्यो अबुझ पिडीलाई झेलिआएकी उनी
आजको यो शिक्षित पिडिले पेलिआएकी उनी
उनी, उनै मेरी आमा।

एक हातमा गाग्री अनि अर्कोमा सन्तान धान्ने उनी
आफ्नो घरपरिवारलाई नै सारा संसार मान्ने उनी
हिजोको कठ्याङग्रिदो जाडो झेलिअाएकी उनी
आज पनि बेमौसमी वर्षाद छेलिरहेकी उनी
उनी, उनै मेरी आमा।

सन्तानको खुसीको लागि झण्डै खसम बिर्सेकी उनी
सँगै बाँच्नेमर्ने भनेर खाएको झण्डै कसम बिर्सेकी उनी
हिजो भिरमा घाँसको लागि हँसिया चलाएकी उनी
सन्तानका पिरमा आफ्ना कयौ रहर जलाएकी उनी
उनी, उनै मेरी आमा।

Comments

Post a Comment

Popular posts from this blog

महसुश

उनीहरुका लागि म अधुरो भए कि मेरा लागि उनीहरु अधुरा भए, कमी कमजोरी खै कसका भए तर बातचीत हामीबीच मधुरा भए । रस परेका ति बातहरु छोटिएका ति रातहरु खै  हामीबीच के कस्ता कस्ता कुरा भए   तर जस्ता भए ति सबै मधुरा भए।।
Read more

के काम?

Image
जाँदैन दाग त्यो घाउको भने अब धोएर के काम जानु थियो गैसक्यो, उस्को लागि अब रोएर के काम। छुटिसक्यो ऊ तिमीबाट अब फर्किन्न कहिल्यै पनि सास छाडिसक्यो बोल्दैन मुर्दा, भने अब छोएर के काम। हुँदैन भन्दाभन्दै  जस्को पछि लागेउ ज्यूज्यान दिएर फर्किदैन तिमीतिर उ, ढुङ्गाको मुर्ति अब ढोगेर के काम। समय अनि मान्छेको मन सधैं एकनास कहिले थियो र? निष्ठुरीलाई बिर्सिन्छु भन्दै, रक्सी अब धोकेर के काम। अरु अघि बढिसके म त ज्युकात्यु छु केही गर्नलाई ढिलो भयो बर्बाद भए म, भन्दै अब सोचेर के काम।
Read more

मौसम

Image
रुखका पातहरु अचेल सुकेर झरेको देख्छु । हावाको सानै झोकमा कतै लुकेर बहेको देख्छु ।। हिजोका ती हरिया ति रुखका पालुवा, मौसमको परिवर्तनसंगै पहेँलिएर झरेको देख्छु । रुखका हागामा फलसङै झुकेर लहेरेको देख्छु ।। मौसमसंगै यिनका बैंस पनि सुकेर झरेको देख्छु। हावाको सानै झोकमा कतै लुकेर बहेको देख्छु ।।।
Read more