गरिबी

गरिबका झुप्राहरुको अघि खिचिने ति फोटोहरूमा

देखिँदैनन् तिनका अभावले बनेका ति फाटाहरु।

दुई मुठ्ठी अन्न र चाउचाउका प्याकेटका रहरहरुमा

अहँ! देखिँदैनन् आजलाई टारेका र भोलिलाई परेका कहरहरु।

मन्दिरमा जोड्दा हातहरू, डुङ्गाको देउताले नि सुन्दैन रहरहरु

लाग्दछ छैन भागमा अमृत, छुटेका छन् त केवल जहरहरु।

उपचारका खातिर दुई हजारको ऋणले पसेका सहरहरूमा

देखिँदैनन् फाटेको कपडाका हृदयभित्रका खण्डहरहरु।

अघि बढाउन जसोतसो धकेलिएका जिन्दगीका ठेलाहरुमा

देखिँदैनन् बैँश र उमेरले धकेल्दा धकेल्दै बनेका ठेलाहरू।